Уставниот суд утре на седница ќе расправа за оспорениот Закон за изменување и дополнување на Кривичниот законик. Подносител на иницијативата е Павле Трајанов.

– Подносителот наведува дека оспорените законски измени се спротивни на владеењето на правото, заштитата на правото на сопственост и еднаквоста која ја промовира Уставот. Во иницијативата е наведено дека со овие измени една категорија граѓани се привилигирани, наспроти правосилно осудените лица кои добиваат дискриминаторски третман и за нив не важи намалувањето на казните – велат од Уставен суд.

Од Министерството за правда соопштија дека е изготвен новиот Кривичен законик (КЗ) и е доставен на мислење до Европската комисија (ЕК).

Правда подготвила нов Кривичен законик, испратен е на мислење во Брисел

Измените на Кривичниот законик беа донесени во 2023 година и предизвикаа многу реакции, особено оние за намалување на казните за злоупотреба на службена положба при јавни набавки.

Препораката на ЕК за носење на нов Кривичен законик, „најматен“ настан за октомври според Транспаренси