Македонскиот шампион, Еурофарм Пелистер претрпе уште еден висок пораз во Лигата на шампионите, сега од дански Алборг на гостински терен (38:23).

Почетокот за Еурофарм Пелистер ветуваше бидејќи поведе со 3:1 и 4:2, но потоа Алборг се стабилизираше и брзо направи предност од осум гола, па на полувремето веќе беше јасно кој ќе слави. Во вториот дел Алборг продолжи со исто темпо и само ја зголемуваше предноста.

Ниту еднаш во продолжение македонскиот претставник не успеа да се доближи, па само прашање беше со колкава разлика „пелистерци“ ќе бидат порази. Алекс Влах беше најефикасен со седум гола, додека Микел Хансен постигна пет. Во редовите на Еурофарм Пелистер, Павле Петровиќ беше најрасположен со седум гола.

За Еурофарм Пелистер ова е втор пораз во елитата, по домашниот против Колштад минатата недела.