Левиот бек на Партизан Стефан Петриќ е на „радарот“ на двократниот европски шампион Вардар 1961. Контактите меѓу скопскиот гигант и играчот на клубот од Хумска беа воспоставени пред неколку недели.

Договорот на Петриќ со Партизан истекува во јуни, а за неговите услуги интерес има и од португалскиот Порто.

Стефан Петриќ е син на екс репрезентативецот на Југославија и поранешен ас на Црвена звезда, Владимир Петриќ кој ја заврши кариерата токму во екипата на Вардар чиј дрес го носеше четири години.

Во редовите на скопските „црвено-црни“ настапува десното крило Дарко Ѓукиќ, а пред три недели договор потпиша левото крило на Металопластика, Марко Срдановиќ.

Скопскиот тим го очекува реконструкција во текот на летото, се најавува поскромен буџет од оваа сезона. На позицијата лев бек би пристигнал Петриќ, која сега ја покрива македонскиот репрезентативец Филип Талески, за кој се шпекулира трансфер во Бенфика. Куни Моралес ќе го напушти Вардар, десниот бек од Куба ќе игра за ППД Загреб.