Македонската ракометна репрезентација се соочи со нови главоболки пред почетокот Европското првенство што во јануари следната година ќе се игра во Шведска, Норвешка и Данска. Средниот бек Томислав Јагуриноски заработи посериозна повреда и ќе отсуствува од терените во следните два до три месеци.

Повредата се случила за време на подготовките со неговиот клуб Десау Рослер, а од германскиот тим потврдија дека станува збор за тежок проблем што бара подолг период на опоравување и рехабилитација.

Оваа вест сигурно не му оди во прилог на селекторот Кирил Лазаров, кој во овој момент поради повреди не може да смета и на Марко Митев, Никола Костески и Милан Лазаревски. Со повредата на Јагуриноски, македонскиот стручен штаб добива нова грижа во пресрет на најважниот турнир во 2025 година.

Ако се остварат медицинските прогнози, Јагуриноски би можел да се врати на терените непосредно пред почетокот на шампионатот, што значи дека ќе има многу малку време да влезе во посакуваната форма.