Клупскиот Мундијал во САД сè повеќе наликува на организациска катастрофа, а последниот скандал дојде од Синсинати, каде што Борусија Дортмунд беше приморана да го започне натпреварот против Мамелоди без ниту еден фудбалер на резервната клупа.

Причината? Невозможно високите температури на стадионот, кои го натераа тренерот Нико Ковач и неговиот стручен штаб буквално сами да седат покрај теренот, додека сите резервни фудбалери беа во соблекувалната.

„Нашите замени гледаа од соблекувалната, сонцето беше пресилно. Никогаш досега не сме доживеале вакво нешто, но во вакви услови, ова беше единствено логично решение“, соопштија од клубот преку социјалните мрежи, споделувајќи фотографија од соблекувалната.

Our subs watched the first half from inside the locker room to avoid the blazing sun at TQL Stadium – never seen that before, but in this heat, it absolutely makes sense. 🥵 #FIFACWC pic.twitter.com/5GYtMER1fQ

— Borussia Dortmund (@BVB) June 21, 2025