Рано утринава околу 4 часот, авион на „Аустријан ерлајнс“ удрил во јато птици на скопскиот аеродром, што е втор ваков инцидент во рок од два дена.

Една од птиците речиси целосно го уништила моторот на авионот марка „Ербас 320“. Пилотите по големиот инцидент биле приморани да намалат брзина и воопшто да не полетаат, пишува „Инфомакс“. Условите ги усложнило, а несреќата ја влошило тоа што авионот бил пред полетување на крајот од пистата. За среќа имало доволно простор за авионот да закочи и да се прекине полетувањето. Летот поради големата штета на авионот бил целосно одложен, пишува порталот.

Ова е втор ваков инцидент за два дена на скопскиот аеродром откако вчера авион на „Виз ер“ исто така удри во јато птици на полетување од Скопскиот аеродром, по што пилотот беше принуден да се врати и повторно да слета.

Авион на „Визер“ морал да се враќа на Скопскиот аеродром, удрил во јато птици на полетување