Во женска конкуренција американската тенисерка доминира на домашен терен, Џенифер Брејди е првата која обезбеди пласман меѓу најдобрите четири на грен слем турнирот „УС Опен“.

Американката ја совлада натпреварувачката од Казахстан, Јулија Путинцева, со резултат 2:0 во сетови 6:3 и 6:2 за еден час и 11 минути игра.

На тој начин за првпат во својата кариера Брејди обезбедува полуфинале на еден од грен слем турнирите. Нејзин најдобар пласман во ваквите натпреварувања е осминафинале.

А сега е полуфиналистка верувале или не без загубен сет, а за пласман во големото финале ќе игра против победничката од дуелот Наоми Осака (Јапонија) и Шелби Роџерс (САД).

Втората полуфинална двојка ќе ја дознаеме после одигрувањето на четвртфиналните мечеви: Цветана Пиронкова (Бугарија)-Серена Вилијамс (САД) и Викторија Азаренка (Белорусија)-Елиз Мертенс (Белгија).