Фудбалерите на Урава се пласираа во полуфиналето на Светското клупско првенство откако со 1:0 го совладаа Леон.

Стрелец на победничкиот гол за јапонската екипа беше Алекс Шалк во 78 минута од средбата одиграна во Џеда, Саудиска Арабија.

Мексиканците од 84 минута играа со фудбалер помалку откако втор жолт картон доби Вилијам Тесило.

Урава за пласман во големото финале на 19 декември ќе игра против европскиот првак Манчестер сити.

Еден ден порано бразилскиот Флуминенсе ќе се сретне против победникот од последната четвртфинална пресметка во која се среќаваат Ал Ахли (Египет) и Ал-Итихад (Саудиска Арабија).