Американскиот универзитет Колумбија привремено суспендираше 65 студенти, по пропалестинскиот протест за време на кој демонстрантите ја окупираа зградата на институцијата.

Демонстрантите во среда вечерта упаднаа во библиотеката Батлер на Универзитетот Колумбија, велејќи дека ја преименуваат зградата во „Популарен универзитет во Базел Ал-Араџ“, по палестинскиот милитант и писател кој беше убиен од израелските сили во 2017 година.

Уапсени се 80 лица, меѓу кои 19 мажи и 61 жена, а 78 од нив добија казна за нелегално влегување на туѓ имот, а на двајца други уапсени демонстранти им е издадена судска покана, соопшти њујоршката полиција.