Украинското воено разузнавање соопшти дека украинските сили убиле руски генерал во близина на опколениот град Харков, вториот руски висок командант кој загинал во инвазијата, јави Ројтерс.

Генерал-мајор Виталиј Герасимов, првиот заменик-командант на 41-та руска армија, е убиен во понеделникот, се вели во соопштението на главниот директорат за разузнавање на Министерството за одбрана на Украина.

Друг руски генерал, Андреј Суховецки, исто така заменик командант на 41-та армија, беше објавено дека е убиен кон крајот на февруари.

Украина соопшти дека нејзините сили убиле повеќе од 11.000 руски војници. Русија потврди околу 500 загуби.

Ниту една страна не ги откри украинските жртви.