Форензичарите денеска започнаа со ексхумација на масовната гробница во украинскиот град Буча, обвиткувајќи ги во црна пластика и положувајќи ги телата на цивилите за кои официјални лица велат дека биле убиени за време на руската инвазија.

Руслан Кравченко од обвинителството во Буча изјави дека ексхумирале 20 тела, од кои 18 имале рани од огнено оружје и шрапнели. Тој рече дека се идентификувани две жени, од кои едната работела во супермаркет во центарот на градот.

„Постојат сведоци кои можат да потврдат дека овие луѓе биле убиени од руските сили. Без никаква причина, тие само оделе по улица или биле евакуирани“, изјави тој за Ројтерс.

Се појавуваат докази дека руските војници убивале цивили во Буча

„Некои од нив зборувале само украински“

Тој рече дека форензичарите ќе работат на создавање слика за тоа што се случило со закопаните во масовната гробница, каде што остатоците од труповите пробиваат низ земјата.

Откако руските војници се повлекоа од Буча минатата недела, украинските власти соопштија дека стотици цивили се пронајдени мртви. Заменик-градоначалникот на Буча рече дека повеќе од 360 цивили биле убиени, а околу 260-280 биле закопани во масовната гробница од други жители.

Смртта на цивилите во Буча беше широко осудена од Западот како воени злосторства.

Кремљ во вторникот рече дека наводите дека руските сили егзекутирале цивили во Буча се „монструозен фалсификат“ со цел да се оцрни руската армија. Доказите за цивилните убиства во Буча, Москва ги отфрли како циничен трик на Украина и нејзините западни поддржувачи, за кои тие велат дека се зафатени од дискриминаторска антируска параноја.

Русија негираше дека намерно целела цивили по нејзината инвазија на Украина на 24 февруари. Москва својата акција ја нарекува „специјална воена операција“ чија цел е „деназификација“ на Украина. Украина и Западот велат дека инвазијата била нелегална и неоправдана.