Руските противвоздушни единици рано утрово уништија или соборија девет украински беспилотни летала што се движеа кон Москва, изјави градоначалникот на руската престолнина, Сергеј Собјанин.

Во серија пораки на Телеграм, Собјанин извести за бројот на соборени беспилотни летала и рече дека специјализирани тимови ги испитуваат фрагментите од беспилотните летала на местата каде што паднале на земјата и обемот на евентуалната штета, објави Интерфакс.

Повеќе од 30 украински беспилотни летала беа уништени преку ноќ над рускиот Ленинградски регион, изјави претходно гувернерот Александар Дрозденко на својот Телеграм канал, објави Танјуг.

Дрозденко, исто така, рече дека во моментов нема жртви и додаде дека одбивањето на нападите со беспилотни летала продолжува.

Според најновиот извештај на руското Министерство за одбрана, 221 украински беспилотни летала беа соборени над различни региони на Русија преку ноќ и наутро.

Во меѓувреме пожар избувна на еден од бродовите во руското пристаниште Приморск и на пумпна станица како резултат на масовниот напад на украински беспилотни летала врз Ленинградската област и тие се изгаснати, објави гувернерот Александар Дрозденко на својот Телеграм канал.

Тој исто така рече дека нема опасност од поплавување на бродот или излевање на нафта, пренесува Танјуг.

Дрозденко претходно објави дека повеќе од 30 украински беспилотни летала биле уништени преку ноќ над руската Ленинградска област, пренесува Интерфакс.

Тој исто така изјави дека во моментов нема жртви и дека одбивањето на нападите со беспилотни летала продолжува.