Руски танкер бил погоден од украински беспилотни пловила во Црното Море во близина на Крим, соопштија руските власти. Бродот бил нападнат во теснецот Керч.

Тие рекоа дека бродот е погоден точно во целта односно во делот каде е сместен моторот.  Официјален претставник на Украинската служба за безбедност потврди дека украинските вооружени сили стојат зад нападот на танкерот, кој како што тврдат превезувал гориво за руските сили на фронтот.

За нападот бил користен морски дрон, наполнет со 450 килограми ТНТ.

Поради нападот врз танкерот накратко беше запрен и сообраќајот на мостот Керч, 19-километарскиот мост што го поврзува окупираниот Крим со Русија, како и транспортот со траект.