Во Придњестровје е спречен обид за убиство на лидерот Вадим Красноселски, соопшти Министерството за државна безбедност на оваа непризната република.

Во соопштението се тврди дека, , „по наредба на Службата за безбедност на Украина е подготвено кривично дело ликвидација на голем број функционери на Придњестровската Молдавска Република“, пренесува РИА Новости.

„Осомничените биле веднаш приведени, и го признале делото , се наведува во соопштението.

Се додава дека напаѓачите подготвувале терористички напад во центарот на Тираспол и дека освен што планирале елиминација на лидерите на Придњестровје, сметале и на голем број жртви.

Приднестровје е отцепен регион на Молдавија со претежно рускојазично население кое е вон контрола на молдавската влада во Кишињев од конфликтот во 1992 година.

На референдумот во 2006 година, кој не беше признат од меѓународната заедница, 97,1 отсто од гласачите ја поддржаа независноста на регионот, по што беше прогласена непризнатата Придњестровска Молдавска Република.
Како гарант на мирот во Придњестровје се стационирани околу 1.500 руски војници.