Украина го доби тоа што го бараше: Прв телефонски разговор меѓу Зеленски и Си
Украинскиот претседател Володимир Зеленски на Твитер објави дека имал телефонски разговор со кинескиот претседател Си Џинпинг.
Препорачано
-
1
-
2
-
3
Станува збор за разговор кој Украина го бара долго време, а за него се шпекулираше уште од посетата на кинескиот претседател на Москва минатиот месец. Во тој период Зеленски испрати и покана до Си да ја посети Украина.
I had a long and meaningful phone call with ?? President Xi Jinping. I believe that this call, as well as the appointment of Ukraine's ambassador to China, will give a powerful impetus to the development of our bilateral relations.
— Володимир Зеленський (@ZelenskyyUa) April 26, 2023
Разговорот, барем телефонски, конечно се случи денеска.
„Имав долг и значаен телефонски разговор со претседателот Си Џинпинг. Верувам дека овој повик, како и назначувањето на украинскиот амбасадор во Кина, ќе дадат силен поттик за развојот на нашите билатерални односи“, најави Зеленски.
Кинеската државна телевизија потврди дека двајцата лидери имале телефонски разговор.
За време на разговорот, Си му рекол на Зеленски дека „разговорите и преговорите се единствениот излез од војната“, пренесува ЦЦТВ.
Иако Пекинг е официјално неутрален во конфликтот, Си никогаш не ја осудил руската инвазија.
