Денеска наместа ќе има поинтензивни процеси во форма на невреме со пообилен пороен дожд (за кратко време поголема количина), грмежи, силен ветер (над 60 km/h) и изолирана појава на град, предупредуваат од УХМР.

Особено во источните делови од државата, процесите ќе бидат поинтензивни во форма на невреме со пообилен пороен дожд, силен ветер и изолирана појава на град, прогнозираат синоптичарите.

Во Скопје се очекува променливо облачно и нестабилно време со повремен дожд и грмежи. Во делови од котлината ќе има услови за краткотрајно невреме со пообилен пороен дожд, грмежи, засилен ветер и изолирана појава на град.

Утре ќе биде променливо облачно со сончеви периоди. Ќе дува умерен, а во западните делови засилен ветер од југозападен правец. Попладне ќе има изолирана појава на нестабилност со пороен дожд, грмежи и засилен ветер. Во Скопје, променливо облачно со сончеви периоди. Ќе дува умерен ветер од југозападен правец, соопшти УХМР.