Уганда денеска прогласи крај на најновата епидемија на ебола во земјата, три месеци откако властите потврдија случаи на многу заразна и често фатална вирусна болест во главниот град Кампала.

Источноафриканската земја ја прогласи својата последна епидемија на 30 јануари по смртта на медицинскиот техничар кој беше позитивен на тестот за вирусот.

-Добри вести! Сегашната пандемија на суданскиот вид на вирус официјално заврши – напиша Министерството за здравство во објавата на социјалната платформа X.

Тој додаде дека крајот на епидемијата е прогласен откако поминале 42 дена „без нов случај (на инфекција) откако е отпуштен последниот потврден пациент“.

Министерството во соопштението не го соопшти вкупниот број на регистрирани случаи за време на епидемијата. На почетокот на март, кога министерството последен пат објави статистика, рече дека имало најмалку 10 случаи на инфекција и две смртни случаи.

Еболата е честа појава во Уганда со многу тропски шуми кои обезбедуваат природен резервоар за вирусот. Последната епидемија, предизвикана од судански вид на вирус за кој нема одобрена вакцина, беше деветта во Уганда откако земјата го забележа својот прв случај во 2000 година.