Шпанската „Марка“ објавува интересни информации поврзани за продолжувањето на сезоната во Лигата на шампиопните и Лигата на Европа.

Изворот дознава дека од европската куќа на фудбалот подготвуваат формат кој ќе се применува за финишот во УЕФА клупските натпреварувања сезонава (2019/2020).

Со работна група ангажирана за календарот на натпреварувањата, која има идеја во четвртфиналето на ЛШ да се игра еден натпревар, а потоа се организира Фајнал-фор турнир во Истанбул, со најдобрите четири европски фудбалски екипи во Турција.

Champions League, pe repede înainte! Campioana se decide în Final Four https://t.co/xAGk5J2Uuu

— Observator Antena 1 (@Observator_TV) May 19, 2020

Доколку овој предлог се прифати на состанокот на Извршниот одбор на УЕФА на 17 јуни, Лигата на шампионите би требало да продолжи на 8 август, а ЛЕ два дена порано во истиот формат.

Ваков развој на ситуацијата неодамна најави и претседателот Александар Чеферин, првиот човек на европскиот фудбал.

– Разгледуваме опции за ЛШ и ЛЕ, двојките би можеле да одиграат само еден натпревар, на неутрален терен или домаќинот да се одреди со ждреб. Преостанатите опции се победниците да ги дознаеме со играње на Ф4 или Ф8 – рече Словенецот Чеферин.

Што се однесува до самото четвртфинале на ЛШ, таму се веќе Атлетико Мадрид, ПСЖ, Салцбург и Аталанта. Останатите четири клубови ќе бидат познати после одигрувањето на реванш осминафиналните дуели: Манчестер сити-Реал Мадрид (2:1), Јувентус-Лион (0:1), Баерн-Челси (3:0) и Барселона-Наполи (1:1).