Меси и Нејмар наскоро може да играат во европско репрезентативно натпреварување/ фото: EPA-EFE/Sebastiao Moreira

УЕФА има одговорот на идејата на ФИФА за СП на секои две години: Аргентина и Бразил ќе играат во Лигата на нации?

Светската фудбалска федерација се наоѓа во голема кампања во која ја пропагира идејата за промена на календарот и Светското првенство наместо на четири да се игра на секои две години, а најголем противник на оваа идеја е Европската фудбалска Федерација (УЕФА).

УЕФА веќе подготви одговор за идејата на ФИФА, ќе ги повика двете најдобри репрезентации од Јужна Америка, Бразил и Аргентина да играат во Лигата на нации.

Оваа идеја значи продлабочување на соработката помеѓу УЕФА и Конмебол кои веќе се договорија најдобрите репрезентации во Европа и Јужна Америка да играат меѓу себе во своевиден Суперкуп натпревар.

Како што пишува „Газета дело Спорт“, УЕФА во договор со Фудбалската конфедерација на Јужна Америка (Конмебол) има план да ги повика Аргентина и Бразил да играат во нејзината Лига на нации.

Весникот не открива повеќе детали, туку тврди дека постојат неколку опции, а една и Бразил и Аргентина да играат во групната фаза во Лигата А. Другата опција е „кариоките“ и „гаучосите“ да играат во самата завршница, односно во полуфиналето на Лигата на нации со двете најдобри европски репрезентации. Третата опција е четирите победници на групите во Лига А на завршниот турнир да бидат поделени во две групи со по три селекции  во кои би се нашле уште и Аргентина и Бразил.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот