Карло Анчелоти со Реал Мадрид ја освои европската титула/Истанбул, Турција/25 август 2022/Фото: EPA-EFE/SEDAT SUNA

УЕФА го прогласи Карло Анчелоти за тренер на годината

По завршувањето на жрепката за групите во Лигата на шампионите, Карло Анчелоти ја доби наградата за тренер на годината во Европа. Сарина Вигман беше прогласена за најдобар тренер кај дамите.

Шампионот на Европа и Шпанија со Реал Мадрид во претходната сезона имаше што да каже.

– Благодарам УЕФА за оваа награда. Благодарам на Саки, тој е мојот учител, тренерската кариера ја започнав благодарение на него. Благодарам на претседателот што ми даде можност да се вратам во Мадрид – рече Анчелоти кој им се заблагодари на сите и на неговото семејство.

Тој ја откри и причината поради која неговиот тим ја освои титулата европски шампион.

– Минатата сезона беше одлична сезона, постигнавме исклучителна хемија, вистинска врска – објасни Анчелоти.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот