Во неделата вечерта грчка актерка е уапсена откако го претепала својот поранешен сопруг во изнајмен стан во Каристос, каде што престојувале на одмор со нивниот 12-годишен син.

Според информациите, 38-годишната актерка, која била во алкохолизирана состојба откако конзумирала количества алкохол, нанела оштетување на станот во кој се случило насилството, додека последните информации велат дека актерката го нападнала и 12-годишното дете.

Како што пренесува грчкиот медиум eviathema.gr, се започнало во неделата попладне кога актерката искршила се во собата, пцуејќи и удирајќи го својот 57-годишен сопруг.

Грчките медиуми јавија дека станува збор за познатата актерка Фаи Зафеираку, која беше изведена на суд обвинета за претепување на 57-годишниот Андреас Композис.

Полицајците кои биле информирани за настанот излегле на лице место и ја привеле актерката. Актерката потоа била испратена во полициската станица Каристос каде по давање исказ по наредба на јавен обвинител на полноќ била пуштена на слобода.

„Тоа беше само мало недоразбирање. Ништо друго не се случи. Имаше кавга и веднаш ја решивме. Има и фотографија поставена од Андреас која го објаснува сето ова. Работите не се како што беа претставени и не знам зошто се случи ова. Тоа беше човечка расправија. Заедно отидовме во Полициска станица, средивме и заминавме. Недоразбирање што заврши таму. Најверојатно се збркале“ вели познатата актерка која веднаш била ослободена бидејќи нејзиниот поранешен сопруг во полиција рекол дека не сака таа да биде кривично гонета.

Според информациите, 57-годишниот иако бил информиран за можноста да се пресели во објект за жртви на семејно насилство, тој тоа го одбил, а притоа изјавил дека не сака да ја гони актерката.