Маж од Флорида е уапсен под сомнение дека предизвикал смртоносен пожар во населбата Пацифик Палисејдс во Лос Анџелес, во кој животот го загубија 12 лица, потврди денес службено лице запознаено со случајот, пишува Си-ен-би-си Њуз.

Осомничениот се соочува со три федерални кривични обвиненија, а апсењето се случило по обемна истрага од страна на Бирото за алкохол, тутун, огнено оружје и експлозиви (ATF), Противпожарната служба на Лос Анџелес (LAFD) и локалната полиција (LAPD).

Детали за мотивите и идентитетот на уапсениот сè уште не се објавени.