Уапсен е Љупчо Палевски – Палчо
Љупчо Палевски-Палчо, кој се сомничи за киднапирање и реализација на убиството на Вања Ѓорчевска и Панче Жежовски е уапсен. Тој бил задржан на граница, по распишаната меѓународна потерница. Засега нема официјална потврда, се чека МВР да соопшти детали на закажаната пресконфренција за 22 и 30 часот.
Првоосомничениот за убиството на 14-годишната Вања Ѓорчевска, избегал од Македонија, преку Србија, па низ Бугарија се упатил кон Турција, претходно инфомираше ОЈО.
Според информациите на Јавното Обвинителство, Љупчо Палевски-Палчо во саботата, на 2 декември, бил регистриран на граничниот премин Калотина помеѓу Србија и Бугарија, по што се упатил кон Турција на преминот Капитан Андреево – тракеторија во времетрање од околу 3 часа и 40 минути со автомобил.
Ова се случувало дента кога министерот за внатрешни работи, Оливер Спасовски објави дека претходната вечер биле приведени пет лица за случајот со исчезнувањето на 14-годишната Вања, а обезбедно било и возило.
Палевски на 2 декември патувал во возило од марката „ланд ровер“, кое го управувало лицето што денес беше приведено поради сомнеж за помагање. Обвинителството за возачот бара 48 часовен притвор.