Полицијата од Куманово вчера во 14:45 часот го уапсиле 28-годишниот кумановец Н.А., осомничен дека неколку дена претходно насилно влегол во две цркви во селото Љубодраг и кумановската населба Бедиње, од каде украл пари.

„На 28.08.2025 во 14:45 часот во Куманово, полициски службеници од СВР Куманово го лишиле од слобода Н.А.(28) од Куманово. Тој се сомничи дека на 24.08.2025 со употреба на сила влегол во црквата „Св. Троица“ во с.Љубодраг, кумановско и одзел пари, додека на 28.08.2025 од црквата „Св. Петка“ во населбата Бедиње во Куманово, со употреба на сила се обидел да одземе пари од касата“, се вели во полициското соопштение.

Осомничениот Н.А. бил приведен во полициска станица каде ги ги признал делата, а работите што ги одземал биле пронајдени и вратени на сопственикот и по целосно документирање на случајот, против него ќе биде поднесена соодветна пријава, велат од полицијата.