После високиот пораз од 5:0 на гостувањето во Алмере против Холандија, денеска македонската фудбалска репрезентација до 21 година ќе одигра нов натпревар од квалификациите за Европското првенство против Гибралтар на гости од 13.00 часот.

Играчите на селекторот Драган Канатларовски имаа лошо издание против холандските надежи, па противник аутсајдерот во групата ќе се обидат да го поправат впечатокот.

Нашата селекција која веќе од претходно ги загуби шансите за пласман на ЕП ќе ја брка третата победа во овој квалификациски циклус.

Моментно Холандија е на првото место на табелата со 24 максимални бодови, пред Грузија со 16, Шведска 13, Молдавија и Македонија имаат по шест, а Гибралтар е последен со три.

Потсетување дека во првиот меѓусебен дуел одигран годинава на 21 март, македонската репрезентација славеше над Гибралтар со 1:0.