Денеска македонската женска репрезентација за одбојкарки до 18 години и помлади во првиот натпревар на турнирот од групата „Б“ во втората рунда од квалификациите за Европското првенство 2024 загуби од Србија.

Во Врњачка Бања српската селекција славеше со 3:0 во сетови 25:17, 25:15 и 25:16 после 70 минути игра.

За македонската репрезентација најефикасна беше Милева со седум поени, четири запиша Петровска. На спротивната страна Михајловиќ се истакна со 14 поени.

Во вториот меч од стартната рунда во оваа група холандските одбојкарски надежи со 3:2 ја совладаа Чешка.

Следен ривал на нашата репрезентација ќе биде Холандија в петок од 16.30 часот. Пласман на ЕП ќе обезбедат победниците од петте квалификациски групи и четири најдобро второпласирани репрезентации.