Македонската фудбалска репрезентација до 16 години славеше победа од 2:0 против Албанија на контролен натпревар одигран во Охрид.

Нашата младинска селекција одигра одличен меч и сосема заслужено оствари сигурна победа против албанската селекција, која претходно ја совлада силната Швајцарија.

Ристиќ во 46 минута и Спироски во 55 минута беа стрелци на головите за репрезентацијата предводена од Иљами Исејни.

Во првото полувреме, Спироски и Велески беа во шанса за отворање на резултатот, но поуспешен беше гостинскиот голман. Бочевски во 81 минута ја погоди пречката од голот на Албанија. Велески асистираше за водечкиот гол, а Ристиќ додаде за нашиот втор погодок.

Македонија до 16 години: Димитар Петров, Михајло Павлов, Матеј Бочевски, Филип Ѓорѓиоски, Амар Акики, Лука Спироски, Дардан Адеми, Стефан Ристиќ, Илија Аксентиев, Огнен Сивевски, Адриан Велески.