Суд во Тунис осуди 56-годишен маж на смрт поради објави на социјалните мрежи во кои го критикува претседателот Каис Саид, пресуда без преседан што предизвика јавен шок и осуда, пренесе АП.

Шефот на Туниската лига за човекови права и адвокатот на осудениот ја потврдија веста.

Осудениот, Сабер Чушан, физички работник со ограничено образование, беше уапсен минатата година поради објави на „Фејсбук“ во кои го критикуваше претседателот.

„Судија во судот во Набел осуди човек на смрт поради објави на Фејсбук. Тоа е шокантна пресуда без преседан“, изјави неговиот адвокат Усама Бутаља за Ројтерс, додавајќи дека пресудата е обжалена.

Министерството за правда сè уште не го коментираше случајот.