Денеска Европската ракометна федерација ги објави имињата на играчите кои конкурираат за место во „Ол-стар“ тимот оваа сезона во Лигата на шампионите.

Во изборот на ЕХФ има тројца македонски репрезентативци и уште двајца членови на ракометниот клуб Вардар 1961.

За голманската позиција Никола Митревски од Порто, потоа за позицијата лево крило, членот на Веспрем, Дејан Манасков и играчот на Вардар 1961, Тимур Дибиров, за позицијата десен бек Кирил Лазаров кој ги брани боите на Нант, а за позицијата десно крило, ракометарот на Вардар 1961, Иван Чупиќ.

Во изборот за најдобар тренер е поранешниот селектор на Македонија, Раул Гонзалез и екс кормилар на Вардар 1961, Раул Гонзалез.

Можете да гласате ТУКА, гласањето ќе трае до 10 јуни, а „Ол-стар“ тимот ќе го дознаеме на Фајнал-фор турнирот во Келн (12/13 јуни 2021 година).