Норвежанецот Александер Омот Килде е победник на шестата супервелеслаломска трка која се возеше во Квитфјел. Килде до седмата победа сезоната, а 13 во Светскиот куп дојде со време од 1:25.91 минути, што беше за седум стотинки побрзо од Канаѓанецот Џејмс Крафорд, додека третопласираниот Матијас Маер задоцни 12 стотини.

Килде со триумфот во Квитфјел го обезбеди малиот кристален глобус во супервелеслалом со 480 бода и има 130 бодови повеќе од Маер.

Француската скијачка Теса Ворли е победничка на велеслаломската трка која се возеше во Ленцерхајд. Ворли беше третопласирана по првото воење, но со одлично возење во втората трка успеа да триумфира со време од 2:02.35 минути.

Второто место со 29 стотинки заостаток го освои Федерика Брињоне од Италија, додека олимписката шампионка Сара Хектор од Шведска, иако беше најдобра по првото возење, на крајот мораше да се задоволи со третото место со 31 стотинка заостаток зад победничката Ворли.

Ворли е втора во пласманот во велеслалот со 467 бода, пред неа се Хектор која има 522 бода. Во генералниот пласман, најдобра е Михаела Шифрин со 1.156 бода и има повеќе од 117 бода повеќе од Петра Влхова.