Музичкиот состав „Хот џез оркестар“, кој изведува медитеранско зачинети свинг минијатури, на 26 декември, со почеток во 21 часот, ќе настапи во кафулето „Синдикална култура“ во скопското Дебар Маало.

Репертоарот што го обработува триото изобилува со композиции од 20-тите се до 40-тите години од минатиот век. Нивната мисија делумно е да се зачуваат звуците од раните стадиуми на џез-историјата, но исто така, е потрага по софистицираност преку жива ритмичка експресија.

Во составот на триото настапуваат Иво Солдатовиќ на кларинет, Андреј Момировски на гитара и Бојан Петков на гитара.