Сите домашни апарати е многу важно постојано да ги чистиме, но на ладилникот треба да му обрнеме посебно внимание. Зошто?

Ова парче бела техника постојано работи и, што е уште поважно, во него ја чуваме храната. Кога ладилникот не е чист, постои ризик да се разболиме.

Секојдневно бришете ги дамките од извалканите решетки и полици. Не дозволувајте да се исуши и содржината на нешто што врз евентуално ќе протече. Сè што ќе ставате во ладилникот мора да биде беспрекорно чисто. Пред да ги вратите во ладилникот, избришете ги теглите со џем или со салата, шишињата со кечап и слично.

Проверувајте го рокот на траење на храната што ја чувате во ладилникот, а особено во каква состојба се нивните амбалажи. Важно е ништо да не тече, на пример, месото што се одмрзнува или зрнестото овошје во картонските кутии. Важно е храната што се одмрзнува да ја извадите од нејзиното пакување и да ја префлите во сад, чинија.

Еднаш неделно бришете ја вратата на фрижидерот, особено рабовите и врвот, и тоа со чиста крпа потопена во вода со малку детергент за садови.

Водете сметка за пластичните или металните делови за отворање на вратите на замрзнувачот и ладилникот, бидејќи на нив често се наоѓаат дамки и нечисти отисоци од прстите. За чистење на деловите на нерѓосувачкиот челик користете специјален спреј. На почетокот на секоја сезона чистете ги сите вдлабнатини (за јајца, путер…) и полиците кои се наоѓаат на вратата, и тоа со врела вода и со благо средство за миење садови. На крај, оваа површина исушете ја со чиста крпа.

На секои три месеци избришете ја внатрешноста на ладилникот со мешавина од две лажици сода бикарбона и една четвртина врела вода. „Измијте“ ја со влажна крпа, па исушете ја со чиста крпа. На овој начин ќе се ослободите и од непријатните мириси. За овие потреби не користете течен сапун или детергнет, бидејќи тие зад себе оставаат мирис кој храната ќе го апсорбира.

Талогот од кафе го „брка“ мирисот. Еден од начините за отстранување на непријатните мириси е да ставите талог од кафе во мала чинија, а потоа во ладилникот. Чинијата извадете ја кога мирисот потполно ќе исчезне.