Кога станува збор за уживање во слатките, чоколадото е прво на листата на омилени намирници. Но, дали  во сите чоколади се ужива подеднакво, како да знаете дали консумирате вистинско или лажно чоколадо?

Постојат различни трикови со помош на кои можете да откриете дали чоколадото што сте го купиле е квалитетно или не.

Ова зависи од начинот на кој се крши, како и од звукот што тогаш се слуша.

При кршење на висококвалитетно чоколадо ќе се слушне силен звук, додека помалку квалитетното чоколадо ќе се рони. Обрнете внимание и на брзината со која се топи чоколадото. Чоколадите со поголем процент на какао путер се топат меѓу прстите, бидејќи путерот од какао има ниска температура на топење (се топи на температура од околу 35 степени Целзиусови).

„Доброто чоколадо не се топи веднаш, треба да биде стабилно и цврсто, треба да биде светло и сјајно, кога ќе го скршите до увото мора да слушнете „тик“. Друг трик за да проверите дали чоколадото е вистинско е тоа што додека го држите меѓу прстите и јадете, не треба да се стопи во вашите раце дваесетина секунди. Има уште една интересна работа, обидете се да го затнете носот и да јадете чоколадо, кога ќе почне да се топи во устата тргнете ја раката од носот и ќе почувствувате поинтензивен вкус на чоколадо“, рекол Александар Симиќ од компанијата „Barry Callebaut“.

Чоколадото е финален производ кој произлегува од преработката на семките од какао, од кои се добиваат основните суровини: какао маса, односно чоколаден ликер, какао во прав и какао путер. Покрај овие состојки, се комбинираат уште главно  и млекото и шеќерот во одреден процент.

Присуството или отсуството на некои состојки, нивната различна количина и комбинација прават различни видови чоколади.

Ова се основните типови: црна, бела, млечна.