Хрватскиот фудбалер Лука Модриќ ќе биде слободен агент откако ќе му истече договорот со Реал Мадрид ова лето.

Реал Мадрид потврди дека Модриќ ќе ја напушти шпанската престолнина по завршувањето на Светското клупско првенство во 2025 година, 39-годишниот Хрват се збогува како најтрофеен играч во историјата на клубот, со 28 титули.

Иако Хрватот не го објави својот следен потег, постојат неколку можни дестинации, како во Европа, така и пошироко, каде што би можел да ја продолжи кариерата следната сезона. Иако се ближи кон 40 година, Модриќ сигурно ќе добие многу понуди што би можеле да го привлечат шесткратниот освојувач на Лигата на шампионите да започне ново поглавје надвор од Шпанија.

„Спортс Илустрејтед“ објави три клубови каде би можел Модриќ да ја продолжи кариерата, тие се Динамо Загреб, Ал Наср и Њујорк сити. Пред да се пресели во Тотенхем во 2008 година, својата професионална кариера ја почна во Динамо Загреб со кој трипати беше шампион на Хрватска.

Во Ал Наср од Саудиска Арабија настапува неговиот поранешен тимски колега Кристијано Роналдо. Карим Бензема и Нејмар исто така се преселија во Саудиската професионална лига на крајот од своите кариери. Модриќ би можел да биде следниот што би можел да добие профитабилен договор за да ги донесе своите таленти во Саудиска Арабија, а Ал Наср е на пазарот за уште една суперѕвезда што ќе му помогне на тимот на патот кон освојување титули.

Според изворот, американската МЛС лига е најверојатната дестинација за Модриќ. Иако Интер Мајами се гордее со екипа полн со играчи што Модриќ добро ги познава, вклучувајќи ги Лионел Меси, Серхио Бускетс, Луис Суарез и Жорди Алба, тој клуб веројатно не е во позиција да потпише уште еден високопрофилен, скап играч. Сепак, Њујорк сити може да биде одлично решение за Модриќ.