Во првиот викенд од новата сезона во Европскиот шампионат на ридски патеки во рамките од групата 1 Игор Стефановски ги освои првите бодови.

Македонскиот возач со „Ферари 488“ на патеката Рекбер во Австрија во првата трка дојде до третото место со време од 2:02.571. Како првопласиран заврши Карл Шагерл од Австрија (1:54.240) пред Рони Брацки од Чешка (1:58.968).

Во втората трка Стефановски заврши на четвртата позиција (2:01.642), на врвот повторно се најде Шагерл, пред второпласираниот Брацки, а овојпат третото место го освои Швајцарецот Рето Мејсел. Резултати ТУКА

Оваа сезона во Европскиот шампионат на ридски патеки ќе се организираат 10 трки, последната ќе се вози во септември во Хрватска.

Потсетување дека Иџе во ова натпреварување до сега се закити со три титули во кариерата.