Бјорн Улвеус (79) од легендарната група „АББА“ се ожени со својата партнерка Кристина Сас на церемонија која ја водеше комичарката и водителка Санди Токсвиг, објави Би-би-си во неделата, додавајќи дека тоа е негов трет брак.

Шведскиот пејач има два брака позади себе, а со Кристина се запознал во Нирнберг, Германија во 2021 година во врска со објавувањето на последниот албум на „АББА“ – „Voyage“.

Свадбата се одржа во саботата во Копенхаген во присуство на блиски пријатели и семејството.

Улвеус е познат како дел од четворката на АББА, бендот кој оваа година прослави 50 години од победата на Евровизија со песната „Waterloo“.

Групата се состоеше од два парови – Улвеус и Агнета Фалцки, и Бени Андерсон и Ани-Фрид Лингстад.

Шведскиот музичар се ожени со Агета Фалцки во 1971 година. Двојката има две деца, Линда (49) и Питер (44), пред да се разведат во 1980 година.

Андерсон и Лингстад ​​исто така се разведоа во 1981 година, една година пред да се раздели групата „АББА“.

Улвеус исто така беше во брак со Лена Калерсјо, од 1981 до 2022 година.

„AББA“ со барање до Трамп: „Не ја користи нашата музика на предизборните митинзи“