Македонскиот пејач Маријан Стојаноски и неговата сопруга Наташа станаа родители по третпат.

Тој ја сподели среќната вест на својот фејсбук-профил, каде откри дека тие добиле уште една ќерка и ѝ го дале името Кирјана.

„Господе, ти благодарам. Добредојде ќерко, Кирјана. Да си ни жива и здрава“, напиша тој.

Пејачот и неговата избраничка се долги години заедно, а во брак се од 2020 година. Двојката веќе има две деца – тригодишната Вероника и двегодишниот Петар.

Маријан Стојаноски беше еден од најпознатите поп-пејачи во Македонија на почетокот од новиот милениум, а неговата кариера ја одбележаа песните „Подарок“, „Срце ќе ти украдам“, „Ненаситен“ и дуетската нумера со Андријана Јаневска – „Љубов ти е адреса“.

Во последните неколку години, тој работи во Националната опера и балет.