Еурофарм Пелистер во викендот зад нас го победи Вардар во дербито во Битола, но тоа беше една пирова победа бидејќи Вардар остана лидер поради гол разликата во меѓусебните дуели.

Во натпреварот битолскиот состав влезе како фаворит поради хаосот кој го направи вирусот во тимот на Вардар, црвно-црните бараа и одложување на натпреварот, но ривалот не прифати. На крајот сепак Вардар се радуваше и покрај поразот.

Дека победата не утеха за битолчани покажува и денешното разрешување на Александар Јовиќ, додека Звонко Шундовски сам си поднесе оставка. Привремен тренер во наредниот период на Еурофарм Пелистер ќе биде Бранко Ангеловски.

РК Еурофарм Пелистер ја известува јавноста дека досегашниот тим менаџер на екипата г-дин Звонко Шундовски од морални причини се повлекува од клупата на нашиот клуб. Управата на клубот одлучи да го разреши од прв тренер на екипата и г-дин Александар Јовиќ. Во наредните натпревари до донесување на конечна одлука околу изборот на тренер, екипата ќе ја води г-дин Бранко Ангелковски. Во оваа прилика РК Еурофарм Пелистер упатува огромна благодарност до г-дин Звонко Шундовски и г-дин Александар Јовиќ за целиот нивен досегашен допринос за клубот. Под водство на Јовиќ и Шундовски нашиот клуб ја освои титулата во сезоната 2022/23.