Како што информираат од кошаркарскиот клуб МЗТ Скопје Аеродром, по убедливата победа над Академија ФМП дојде немила вест во нивните редови.

Тренерот на „штрковите“, Дарко Радуловиќ е позитивен на коронавирус, тој се чувствува добро и има само благи симптоми на ковид-19, но веднаш замина во домашна изолација.

Во негово отсуство, тренинзите ќе ги води асистентот во стручниот штаб, Васко Атанасов, како и дуелот против Пелистер закажана за в недела во „Јане Сандански“.

Ова е само продолжение на малерозниот период во аеродромскиот тим, по повредите на Олуџоби и Гравет и болеста на Магдевски, кој до пред извесен период исто така беше во изолација поради ковид-19.

– На тренерот Радуловиќ му посакуваме лесно пребродување на болеста и брзо враќање на паркетот и тоа уште посилен од досега – пренесуваат од КК МЗТ Скопје Аеродром.