Само два дена по стартот на новата сезона во Евролигата, тренерот на Барселона Шарунас Јасикевичиус е позитивен на коронавирус, а покрај него заразен е и неговиот асистент Дариус Масколиунас.

Како што објави Барселона, Јасикевичиус и Масколиунас се позитивни на последниот круг тестирања на ковид-19. И двајцата немаат никакви симптоми, се чувствуваат добро, но се наоѓаат во самоизолација.

Јасикевичиус е позитивен само два дека откако дебитираше на клупата на Барселона во Евролигата во натпревар кој неговиот тим ја совлада ЦСКА Москва.
Тој ќе го пропушти утрешниот натпревар со Сан Себастијан во шпанската лига како и гостувањето на каталонците во Зенит во второто коло од Евролигата.