Хуан Карлос Фереро, тренерот на шпанскиот тенисер Карлос Алкараз, изрази интересно мислење за Новак Ѓоковиќ, неговото здравје и неговиот настап на Вимблдон.

Славниот Шпанец изјави дека не се согласува со оценката на Новак за неговата форма.

„Ѓоковиќ закрепна рекордно. Мислам дека му оди прилично добро, иако вели дека е далеку од своето најдобро ниво. Во моментов е во полуфиналето. Го видов како се движи многу добро“, изјави Фереро, додавајќи:

„Овде на Вимблдон, тој фантастично ја удира топката. Особено ако игра под затворен покрив, бидејќи топката оди нормално, нема промени во насоката, тој секој пат ја удира со центарот на рекетот“.

Да потсетиме, Ѓоковиќ за 10-то финале на Вимблдон во кариерата ќе игра против Лоренцо Музети. Тој претходно ги победи Вито Коприва, Џејкоб Феарнли, Алексеј Попирин и Холгер Руне, пред Алекс де Минор да го предаде мечот без да излезе на теренот.

Во второто полуфинале на грен слем турнирот Вимблдон, Алкараз ќе игра против Данил Медведев.