Тренерот на АЕК, Алмеида: Не се плашиме од нови немири, одиме да играме фудбал
Квалификациите за Лигата на шампионите продолжуваат во вторник со реванш натпреварите од третото коло. Нема сите да го одиграат вториот меч, бидејќи натпреварот во Атина меѓу АЕК и Динамо е одложен за оваа сабота, додека првиот меч ќе се игра во Загреб.
Препорачано
Причината на сите им е добро позната, убиството на навивачот на АЕК Михалис Кацурис по нападот на „Бед Блу Бојс“ во главниот град на Грција.
АЕК од денеска е во Загреб, па на прес-конференцијата пред патувањето тренерот на грчкиот клуб Матијас Алмеида зборуваше за тоа што го очекува на теренот, но и за трагичниот настан.
– Секогаш сме подготвени. Не се плашиме од нови немири, одиме во Загреб да играме фудбал. Во фудбалот сум 30 години. Тоа треба да биде радост. Бев многу тажен кога видов што се случи минатата недела. Ќе играме за историјата на АЕК и за семејството на навивачот кој го загуби животот – изјави Алмеида.
Да потсетиме дека 105 лица инволвирани во инцидентот беа уапсени и распоредени во 16 различни затворски одделенија.
