Поранешната министерка за труд и социјална политика Јована Тренчевска реагира дека учебната година од утре ќе почне без образовни асистенти за децата со попречености.

Образовни асистенти за децата со попреченост на првиот училишен ден ќе нема. Ова е дно! На сите над 800 досегашни асистенти договорите им се прекинати. Ќе имало огласи за нови! Која нечувствителност од Весна Јанева, напиша Тренчевска на Фејсбук.

Таа додава дека децата со попреченост се навикнати на своите досегашни асистенти. Секоја промена кај нив предизвикува емоционална реакција.

Во редакцијата на „Слободен печат“ пристигнуваат реакции од родители кои се под голем стрес затоа што нивното дете кое треба да почне во прво одделение уште на почетокот не добива помош при следење на наставата и полесно совладување на материјалот, што без образовни асистенти е невозможно.

Тие родители се оставени сами на себе.