Првиот трејлер за „Дедпул и Волверин“, со Рајан Рејнолдс и Хју Џекмен во главните улоги, дебитираше за време на Супербол во неделата и го собори светскиот рекорд за најгледан досега, пишува „Дејли мејл“.

Трејлерот за долгоочекуваниот трет дел од франшизата беше објавен во недела, на 11 февруари, и оттогаш стана најгледаниот трејлер на сите времиња, надминувајќи го вториот миленик на фановите на „Марвел“.

Според „The ​​Walt Disney Company“, во првите 24 часа од објавувањето, трејлерот имал неверојатни 365 милиони прегледи. Ова значи дека официјално го надмина првиот објавен трејлер за „Spider-Man: No Way Home“, кој во 2021 година собра 355,5 милиони прегледи за 24 часа од неговото објавување.

Новиот дел на „Дедпул“ го режираше Шон Леви, режисерот на франшизата „Ноќ во музејот“, кој соработуваше со Рејнолдс на филмовите „Слободен човек“ и „Проектот Адам“. Заедно со Рајан Рејнолдс и Хју Џекмен, во филмот играат Ема Корин, Морена Бакарин, Роб Дилејни, Лесли Угамс, Каран Сони и Метју Мекфадиен.