Енис Барди (25) од враќањето на терените после паузата поради Ковид-19 до крајот на сезоната блесна во дресот на Леванте со пет голови. Севкупно сезоната во шпанската „Ла Лига“ ја заврши со седум погодоци и две асистенции во 30 натпревари.

Денеска „Трансфермаркт“ ја објави најновата цена на македонскиот репрезентативец и таа стана уште повисока. На 8 април 2020 година вредеше 12 милиони евра, а од денеска неговата цена е 20 милиони евра.

Благодарение на неговите настапи во најсилното шпанско првенство го привлече и вниманието на премиерлигашкиот гигант Арсенал.

Шпанската „Марка“ предвидува дека Леванте добри би заработил евентуалната можна продажба на Барди, а Меѓународната организација на спортски студии го вреднува и до дури 30 милиони евра.

Има важечки договор до 30 јуни 2022 година, Леванте кој и следната сезона ќе биде дел од елитата, за само 1.5 милион евра успеа да го ангажира Македонецот од унгарскиот клуб Ујпешт.