Американскиот претседател Доналд Трамп во понеделник изјави дека американската војска извршила напад врз брод на венецуелски нарко картел кој бил на пат кон САД, пренесува Ројтерс.

Тој рече дека тројца мажи биле убиени во нападот, додавајќи дека се случил во меѓународни води.

„Утрово, по моја наредба, американските воени сили спроведоа втор кинетички удар против позитивно идентификувани, исклучително насилни картели за трговија со дрога и наркотерористи во зоната на одговорност на САУТКОМ“, рече Трамп во објава на Tрут Соушл.

„Овие екстремно насилни картели за трговија со дрога претставуваат закана за националната безбедност на САД, надворешната политика и виталните интереси на САД“, рече Трамп.