Американскиот претседател Доналд Трамп предложи Олимписките игри во Токио да се поместат за 2021 година, поради пандемијата на коронавирусот, пишува „Хина“.

Олимписките игри треба да се одржат од 24 јули до 9 август оваа година во Токио.

Меѓутоа, Трамп смета дека официјалните лица треба да ја разгледаат можноста за одложување на Олимписките игри за една година, велејќи дека тој настан нема смисла ако нема гледачи.

Моментално се разгледуваат три можни сценарија. Според првото ОИ треба да се одржат по план, според другото следи одложување за крајот на оваа година или до 2021 година, а по третото ОИ би се одржале во зададениот термин, но без гледачи.