Директорката за национално разузнавање на САД, Талси Габард, денеска изјави дека им ги укинала безбедносните сертификати на поранешниот американски државен секретар Ентони Блинкен и поранешниот советник за национална безбедност Џејк Саливен, по наредба на американскиот претседател Доналд Трамп, пренесе „Ројтерс“.

Габард, исто така, во објава на платформата „Икс“ напиша и дека претседателскиот дневен брифинг „повеќе не му се обезбедува“ на поранешниот американски претседател Џо Бајден.

„Ги отповикав безбедносните сертификати и одбив пристап до доверливи информации за Ентони Блинкен, Џејк Саливан, Лиза Монако, Марк Зеид, Норман Ајзен, Летиција Џејмс, Алвин Брег и Ендрју Вајсман, заедно со 51 потписник на писмото за „дезинформации“ на Хантер Бајден“, рече Габард.

Претходно, 51 поранешен претставник на американското разузнавање потпиша писмо во кое ја осудува истрагата против Хантер Бајден, син на поранешниот американски претседател Џозеф Бајден, поради содржината на неговиот лаптоп.