По освоената историска титула во Европскиот куп на ЕХФ, ракометарите на Алкалоид им се вратија на обврските во домашното првенство.

Играчите на тренерот Кирил Лазаров пред своите навивачи во салата Автокоманда ги завршија настапите на домашен терен во деветтото коло од плејофот со победа над ГРК Охрид (33:24).

Најдобар стрелец во победничките редови беше Гарбески со осум голови, пред Џонов со шест. На спротивната страна девет погодоци беа дело на Винисиус, следен од Костов со шест.

Во последното коло од Суперлигата, Алкалоид ќе гостува кај РК Бутел Скопје, додека ГРК Охрид ќе го пречека Тиквеш.

Воедно тројца ракомеатри на Алкалоид добија посебни благодарници од клубот за досегашната соработка.

Благојче Трајкоски, Давид Савревски и Франциско Оливеира е Силва се ракометарите кои заминуваат од клубот на крајот на сезоната.