16-годишна девојка почина во Клиничкиот центар на Универзитетот во Сараево (КЦУС) по компликации кои се случиле откако ѝ бил изваден заб, објави „Дневни аваз“, повикувајќи се член на семејството на починатото девојче.

По операцијата, здравјето на девојката брзо се влошило – се развил воспалителен процес кој довел до сепса, поради што итно била пренесена во КЦУС.

Обвинителството отворило истрага која треба да ги утврди околностите кои довеле до оваа трагедија.

„Постапуваме по случајот, се вршат проверки, односно се преземаат дејствија со цел да се проверат и да се утврдат сите околности на смртта“, изјави портпаролката на Обвинителството во Сараево, Азра Бавчиќ.

Врз телото на починатата девојка била извршена обдукција, а погребот е закажан за утре, пишуваат босанските медиуми.